За МАЕК
Обединети за иднината на естетиката и козметологијата.
Професионална заедница.
Македонската асоцијација за естетика и козметологија - МАЕК е доброволна, независна, непрофитна и невладина организација, основана со цел да ги обедини и застапува професионалците кои дејствуваат во областа на естетиката и козметологијата во Република Северна Македонија.
Асоцијацијата претставува платформа за професионално поврзување, размена на знаења, континуирана едукација и унапредување на квалитетот на услугите.
МАЕК се залага за воспоставување и промовирање високи стручни, етички и безбедносни стандарди, како и за зајакнување на професионалниот статус и општественото признавање на струката.
Посебен акцент ставаме на заштитата на интересите на членовите, подигнувањето на јавната свест за безбедни и професионални третмани и поттикнувањето соработка со домашни и меѓународни институции и организации.
Веруваме дека преку знаење, професионална одговорност и заедничко дејствување можеме да придонесеме за долгорочен и одржлив развој на естетската и козметолошката индустрија.
МАЕК - Заедница на професионалци. Посветеност на квалитетот.
Стручност, безбедност и квалитет.
Нашата мисија е да придонесеме кон унапредување и професионализација на естетиката и козметологијата во Република Северна Македонија преку континуирана едукација, развој на професионални стандарди, промовирање етичко и одговорно работење и застапување на интересите на професионалната заедница.
Се стремиме кон создавање средина во која стручноста, безбедноста и квалитетот се основни вредности на секоја професионална услуга.
Силна и обединета заедница.
Да изградиме силна, обединета и меѓународно препознатлива професионална заедница во која естетиката и козметологијата се развиваат според современи стручни и етички стандарди.
Нашата визија е МАЕК да претставува релевантен партнер во развојот на професијата, поттикнувањето иновации, едукацијата и создавањето доверба меѓу професионалците и јавноста.
Луѓето зад визијата на МАЕК
Зад Македонската асоцијација за естетика и козметологија стојат истакнати професионалци, обединети со заедничка визија за унапредување на струката.
Со своето знаење, долгогодишно искуство и посветеност, тие придонесуваат кон развојот на професионалните стандарди, континуираната едукација и создавањето посилна и попрепознатлива професионална заедница.
Ирена Стаменковска
Ирена Стаменковска е козметичар-техничар од 1998 година и основач на Пантеа, основана во 2018 година. Добитничка е на наградата за најдобар козметичар за 2025 година, доделена од Makear Beauty Awards.
Нејзината професионална работа опфаќа козметичка практика и едукација на козметичари и едукатори. Во Турција водела едукации „Train the Trainers“, а на Дермокозметичниот симпозиум во Бугарија одржала предавање за корејската козметика и нејзината примена во наши услови. Во соработка со професори од МИТ реализирала едукација по предметот „Хемија и хемиски соединенија и нивна примена во козметиката“.
Како основач и претседател на Македонската асоцијација на естетичари и козметолози - МАЕК, се залага за унапредување на професионалните стандарди, континуирана едукација и посилно поврзување и застапување на професионалците во дејноста.
- Најдобар козметичар 2025 - Makear Beauty Awards
- Од 1998 година - професионално искуство во козметиката
- Меѓународен едукатор - Train the Trainers, Турција и стручно предавање во Бугарија
- Стручна едукација - соработка со професори од МИТ